قالوا علامك صامت

من طرف **othman_2020** الإثنين يوليو 12, 2010 3:24 pm

قالوا علامك صامت

قالوا علامك صامت وقلت ياناس = كثر الكلام يقل لاجله مقامي

الصمت حكمه والحكي مصدر إفلاس = ولقيت في صمتي يزيد احترامي

الصمت له معنى وله ذوق وإحساس = مركب نجاتك في بحور الظلامي

ترى الرجل صوره من الراس للساس = ثم يتبين جوهره بالكلامي

إما نطق في كلمة ترفع الرأس = تضفي على شكله جديد الاسامي

وإلا يعود معدنه معدن نحاس = يرميه سهمه بعد ماكان رامي

لا صار عندك من ثمينات الألماس = خله بصدرك لين وقت التمامي

أخاف يطلعلك من الناس بلاس = وإلا سفيه ما يرد السلامي

الله خلق خلقه على عدة أجناس = وكلن يسوقه مذهبه للأمامي

والله خلق بالطير قمري وقرناس = ووقت الهدد ما ينغزي بالحمامي

لا جال في صدرك من الهم هوجاس = وعينك يحاربها لذيذ المنامي

ونفسك عليله والفكر صار محتاس = اترك طمان القاع وارق السنامي

عليك بالعالي ليا هب نسناس = يبري الجروح الخافيه والعظامي

وخلك لربعك دايم الدوم نبراس = وخص القريب وخص ولد العمامي

خلك لهم في داجي الليل مقباس = ولصاحب أصدق من حقوق الغمامي

ربعك ذراك ليا لحق راسك الباس = قدو لهم شربك ولو كنت ضامي

وخلك لثوب الطيب والعز لباس = واترك دروبٍ تنتهي بالحرامي

وفعل الجميل وواجب الضيف نوماس = ومن لا نفع بالضيق نفعه عدامي

بيت الكريم أبوابه بدون حراس = وبيت البخيل يعد مثل الهدامي

كلٍ بها الدنيا نصيبه بمقياس = ياخذ نصيبه لو جفوه الأنامي

مشكوووووووور اخي الكريم على موضوعك

من طرف **othman_2020** الثلاثاء يوليو 13, 2010 4:19 pm

تحية لزميل أكرم وحبيت أن أنقل له كلمات بسيطة

****

ثانياً يعطيك ألف عافية على هذا المجهود الأكثر من رائع على ما قمت به
من عمل جبار في تحسين وإضافة لمسات خفيفة سحرية على المنتدى
فهنيئاً لك أخي الحبيب على هذا الأبداع .

أبشر بخير فالحمد لله والشكر لله بوادر نجاح المنتدى بدت تظهر
فالحمد لله قد تم إشتراك كثير من الاعضاء خلال الأسبوع المنصرم وهذا الأسبوع
فهذا كله بمجهودك ومجهود الجميع وبالأخص الأخ أبو راشد الحميدي

اشكرك اخي الكريم على تشجيعك لنا ...
وهذا بصراحة يعود الى مجهودك الا متناهي وابداعاتك الجميله والاكثر من رائعه
كل الشكر والتقدير لك اخي الكريم الى الامام ان شاء الله

قالوا علامك صامت

قالوا علامك صامت

رد: قالوا علامك صامت

رد: قالوا علامك صامت

رد: قالوا علامك صامت